Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Азнакайда бер сәгатьтә 700 мең сумга якын хәйрия акчасы җыелды
Районда шәфкатьлелек марафоны булды.
(Азнакай, 4 декабрь, «Татар-информ», «Маяк»). Бүген Азнакайда инде матур традициягә әверелгән шәфкатьлелек телемарафоны үтте. Мәдәният йортында башланган марафон һәр елдагыча, туры эфирда барды.Азнакайлылар тарафыннан бер сәгать эчендә 700 мең сумга якын акча җыелды. Марафон көн буена дәвам итеп, анда һәркем үз өлешен кертергә ашыкты. Бу турыда район басмасы хәбәр итә.
Чараны ачып, район башлыгы Марсель Шәйдуллин азнакайлыларның гомер-гомергә ярдәмләшеп, тормыш сынауларында бер-берләренә терәк булып яшәүләрен ассызыклады. Чара барышында шәфкатьлелек ярдәме тартмалары яныннан кешеләрнең өзелмәве дә әнә шуңа дәлил иде.
Физик мөмкинлекләре чикле район кешеләренә даими ярдәм күрсәтүчеләргә район башлыгы ихластан рәхмәт сүзләрен җиткерде.
Районның хезмәт коллективлары, нефтьчеләр, шәхси эшмәкәрләр ел саен районның шәфкатьлелек чарасында үзләреннән зур өлеш кертә. Ел дәвамында күрсәтелгән ярдәм хакында инде әйтәсе дә юк.
Кызыклы яңалыкларны күзәтеп бару өчен Телеграм-каналга язылыгыз