Әлки районында ноябрь аенда сигез пар гаилә корган

Район гражданлык хәле актларын теркәү бүлегендә яңа туган алты бала исәпкә алынган.
(Казан, 4 декабрь, "Татар-информ"). Әлки районында ноябрь аенда сигез пар гаилә корган, район гражданлык халәте актларын теркәү бүлегендә яңа туган алты бала исәпкә алынган. Бу хакта "Әлки хәбәрләре" язган.Узган айда 8 пар никахлашкан, 3 гаилә аерылышкан. Ә ел башыннан бирле яңа туган 135 бала теркәлгән, 79 гаилә төзелгән, 26 пар аерылышкан.Чагыштыру өчен: 2015 елның ноябрендә 16 бала туган, 6 туй булган, 2 гаилә таркалган. Елның 11 аенда 137 бала туган, 78 никах теркәлгән, 36 пар араларын өзгән.