“Россия” авиакомпаниясенең Казанга очучы борты “Пулково” га кире кайткан

Моңы техник төзексезлек сәбәп булган

 (Казан, 4 декабрь, «Татар-информ»). “Россия” авиакомпаниясенең Казанга очучы Ан-148 самолеты техник төзексезлек булу сәбәпле, “Пулково” га кире кайткан.
“Казан” Халыкара аэропорты” ААҖ матбугат хезмәтендә белдерүләренчә, расписание буенча борт 23.50 сәгатьтә Санкт-Петербургтан кузгалырга һәм 2.05 сәгатьтә Казанга кайтып җитәргә тиеш булган.
Авиакомпания һава судносы кире кайткач икенче бортны әзерләгән, ул 3.16 сәгатьтә Петербургтан очкан һәм 5.09 сәгатьтә Казан аэропортына төшкән.
“Россия” авиакомпаниясендә һава судносының кире кайтуын техник сәбәпләр белән бәйле, дип белдерделәр.