Татарстан синоптиклары бозлавык һәм көчле җил турында кисәтә

Көньяк-көнбатыштан секундына 15-20 метр тизлектә җил исәчәк.

(Казан, 4 ноябрь, «Татар-информ»). Иртәгә төнлә, 5 ноябрьдә, Татарстан территориясендә урыны белән бозлавык һәм көчле җил булачак. Бу турыда Татарстан Гидрометеорология һәм әйләнә-тирә мохитне күзәтү үзәге кисәтә.

Көндез көньяк-көнбатыштан секундына 15-20 метр тизлектә җил булачак. Казанда җил секундына 15-18 метр тизлектә исәчәк.