Кукмарада эшмәкәрләр метан ягулыгы салу станциясе ачу мәсьәләсен күтәргән

Кукмарада 90 эшмәкәр район башлыгы белән очрашты.
(Казан, 4 сентябрь, "Татар-информ", "Хезмәт даны", Алсу Гатауллина). Кукмара районы башлыгы Сергей Димитриев эшмәкәрләр белән очрашу уздырды. Ул ачык диалог формасында барды. Эшмәкәрләр метан ягулыгы салу станциясе ачу белән бәйле сораулар, һ.б. мәсьәләләр күтәрелгән. Бу хакта җирле басма яза. 
 
Очрашуда 90 кече һәм урта бизнес вәкиле катнашты. Сораулар башлыча көнкүреш калдыклары чыгару өчен тарифларның, милек кадастры бәясенең артуы, метан ягулыгы салу станциясе ачу белән бәйле иде. Шулай ук социаль мәсьәләләр дә каралды.
 
Сергей Димитриев эшмәкәрлекне үстерүнең мөһимлеген ассызыклады.