Кукмаралыларга император православ Палестин җәмгыяте таныклыклары тапшырылды

Очрашуда киләчәккә максат һәм бурычлар билгеләнде.

(Кукмара, 4 август, «Татар-информ», «Хезмәт даны», Алсу Сәләхетдинова). Кичә җәмгыятьнең Татарстан бүлеге рәисе Дмитрий Хафизов һәм башкалар Кукмарага килде. Алар оешманың Кукмара җирле бүлеге вәкилләренә махсус билге һәм император православ Палестин җәмгыяте таныклыкларын тапшырды. Бу турыда район басмасы хәбәр итә.

Узган ел районда «Император Правослау Палестин җәмгыяте» Халыкара иҗтимагый оешмасының Кукмара җирле бүлеге оешкан иде.

Очрашу сорауларга җаваплар бирү белән үрелеп барды, киләчәккә максат һәм бурычлар билгеләнде. Соңыннан кунаклар, киез итек-киез комбинаты, металл савыт-сабалар заводында экскурсиядә булып, җитештерү процессы белән танышты.