Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Дәүләт Думасына үзмәшгульләр өчен ипотека каникуллары турында закон проекты кертелде
Әлеге закон кабул ителгән очракта, шәхси эшмәкәр һәм үзмәшгульләр 2-НДФЛ формасы буенча белешмә урынына башка документлар тапшыра алачак.
(Казан, 4 июнь, «Татар-информ»). Россия Дәүләт Думасына үзмәшгульләргә һәм шәхси эшмәкәрләргә тигез шартларда ипотека каникуллары бирү турында закон проекты кертелде. Документ парламентның түбән палатасы сайтында урнаштырылган.
«Барлык әҗәтлеләргә „каникуллар“ бирүдә тигез шартлар тәэмин итүгә юнәлдерелгән закон проекты кертелде», — диелә Дәүләт Думасы матбугат хезмәте хәбәрендә.
Хәзер авыр финанс хәлен раслау өчен әҗәтле кеше эш бирүчедән алына торган 2-НДФЛ формасы буенча белешмә бирергә тиеш. Тик моны шәхси эшмәкәрләр дә, үзмәшгульләр дә эшли алмый.
Яңа закон кабул ителгән очракта, шәхси эшмәкәр һәм үзмәшгульләр башка документлар — салым декларациясе, керемнәр һәм чыгымнар китабы һәм башка белешмәләр белән бирә алачак. «Күрсәтелгән документлар исемлеге кредитор тарафыннан мөстәкыйль билгеләнә», — дип аңлата закон проекты авторлары.
Кызыклы яңалыкларны күзәтеп бару өчен Телеграм-каналга язылыгыз