Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алабугада мәктәп укучыларына азык-төлек җыелмалары бирәләр
Азык-төлек җыелмасына макарон эшләнмәләре һәм төрле ярма кергән.
(Алабуга, 4 июнь, «Татар-информ», «Алабуга нуры»). Алабуга районында узган атна ахырында мәктәп укучыларына азык-төлек җыелмалары бирә башладылар. Аларны мәктәп укучылары инде икенче тапкыр ала. Бу турыда район басмасы хәбәр итә.
Азык-төлек җыелмасы бу айда узган айга караганда азрак. Бу юлы аңа макарон әйберләре һәм бодай ярмасы кергән. Мәгариф идарәсендә аңлатуларынча, бу — матди ярдәм дә, түләүле туклану өчен компенсация дә түгел. Җыелмалар мәктәп туклануының айлык бәясе исәбеннән тупланган, ул җирле бюджеттан дотацияләнә, ә бу бер уку көненә 7 сум 7 тиен, ди идарә башлыгы Ривал Зарипов.
Азык-төлек бирү вакыты турында мәгълүматны сыйныф җитәкчеләре җиткерә. Җыелмаларны таратканда коронавирус инфекциясе таралуын кисәтү чаралары да үтәлә.
Искәртик, узган атнада Алабугада бушлай азык-төлек җыелмаларын тагын йөздән артык чернобыльче дә алды. Азык-төлек җыелмасына ярма, чәй янына тәм-томнар һәм беренче чиратта кирәкле башка товарлар керде. «Ашыгыч» азык-төлек ярдәме катлаулы икътисади хәл аркасында муниципалитет тарафыннан күрсәтелде. Апрель–май айларында азык-төлек җыелмаларын ветераннар, ялгыз яшәүче пенсионерлар, күп балалы гаиләләр, аз тәэмин ителгән һәм авыр тормыш хәлендә калган гаиләләр алган иде.
Кызыклы яңалыкларны күзәтеп бару өчен Телеграм-каналга язылыгыз