Чаллыда онкология белән авыручылар өчен мәктәп эшли

Әлеге мәктәп һәр айның соңгы дүшәмбесендә "Второе дыхание" онкология белән авыручылар һәм аларның якыннарына ярдәм күрсәтү Үзәгендә эшли.

(Казан, 4 июнь, "Татар-иформ"). Чаллы шәһәрендә 5 июньдә, 15.00 сәгатьтә онкология белән авыучылар һәм аларның якыннары өчен мәктәп эшләячәк. Чараны Республика клиник онкология диспансеры, Республика онкология диспансерының Чаллы филиалы, ашыгыч медицина ярдәме күрсәтү хастаханәсе һәм "Рак победим" иҗтимагый оешмасы уздыра, дип хәбәр итә Татарстан Республикасы Сәламәтлек саклау министрлыгы матбугат хезмәте.

Дәресләрдә онкология белән авыручылар өчен дөрес туклану, стресс белән бәйле хәлләрне  җиңеләйтү, шулай ук  реабилитациянең һәм дәвалауның яңа алымнары турында фикер алышачалар. Чара түләүсез һәм анда теләгән һәркем катнаша ала.

Искәртеп үтәбез, онкология белән авыручылар өчен Мәктәп Чаллыда һәр айның соңгы дүшәмбесендә "Второе дыхание"  онкология белән авыручылар һәм аларның якыннарына ярдәм күрсәтү үзәгендә үтә.