Кукмара тегүчесе республика бәйгесендә җиңү яулады

Ул бик яхшы сыйфат белән югары нәтиҗә күрсәтте.

(Кукмара, 3 ноябрь, "Татар-информ", "Хезмәт даны"). Казанда республикабызның тегү сәнәгате предприятиеләре арасында тегүче белгечлеге буенча һөнәри осталык бәйгесе үткәрелде, дип хәбәр итә kukmor-rt.ru сайты.

Әлеге бәйгедә Кукмара тегү фабрикасының эксперименталь участок тегүчесе Нурия Хәсәншина мактаулы икенче урынга лаек булды. Ул бик яхшы сыйфат белән югары нәтиҗә күрсәтте.