Майя Ломидзе: Казан Россиядәге туристлык юнәлешләре арасында лидерларның берсе булып тора

Татарстан башкаласы эчке туризм хиты булып санала.
(Казан, 3 октябрь, "Татар-информ", Екатерина Фадеева). “Туристлык брендлары. АТОР тикшеренү нәтиҗәләре" дип исемләнгән брифингта Россия туроператорлары ассоцияциясе (АТОР) әзерләгән аналитик тикшеренүләр тәкъдим ителде. Анда белгечләр туристлык агымнарының статистик мәгълүматларын һәм чагыштырма анализны керткән. Әмма әлеге тикшеренүгә Россиядәге туристлык юнәлешләре буенча лидерлар күрсәтелмәгән була, андыйлар рәтендә Казан да бар."Эчке туризм һәм туристлар саны буенча карасаң, сату хитлары Санкт Петербургка, Мәскәүгә, Казанга, Алтын балдак, аеруча Ярославль һәм Суздаль шәһәрләренә туры килә. Бу – иң күп сатылучы бишлек. Без аларны махсус исәпкә алмыйбыз, чөнки алар, башка төбәкләр белән чагыштырганда, күбрәк сандагы туристларны җәлеп итә", — дип белдерде "Яңалыклар милли хезмәте" мәгълүмат агентлыгында оештырылган брифингта АТОР башкарма директоры Майя Ломидзе.