Башкортстанда кинологлар арасында күп төр көрәш буенча ярышлар уза

Җиңүченең исеме 8 сентябрьдә билгеле булачак.
(Казан, 3 сентябрь, «Татар-информ»). 4 сентябрьдә Башкортстанның «Юматово» шифаханәсе базасында кинологлар һәм аларның дүрт аяклы дуслары катнашында күп төр көрәш буенча Россия җәзаларны үтәтү федераль хезмәте чемпионаты уза, дип хәбәр итә «Башинформ» агентлыгы.
 
Ярышларда Россия Федерациясе җәзаларны үтәтү федераль хезмәте территориаль органнары һәм белем бирү учреждениеләрен тәкъдим итүче 75 командадан 320 кинолог катнаша.
 
Чемпионатта катнашучылар биш көн дәвамында дүрт аяклы дусларының нәрсәгә сәләтле икәнлеген күрсәтәчәк, каршылыклар полосасы элементларын буйсындыру, тоткарлау, озата бару һәм саклау, кешене, урынны, автотранспортны һәм биналарны тентү буенча нормативлар тапшырачак.
 
Җиңүченең исеме 8 сентябрьдә билгеле булачак.