Азнакайда әфган сугышында һәлак булган егеткә һәйкәл куйдылар
Һәйкәл батырның якташлары ярдәме белән куелган.
Скопировать ссылку
(Азнакай, 3 август, «Татар-информ», «Маяк», Лиза Нурлыева). Азнакайда әфган сугышында батырларча һәлак булган Николай Кандауровка һәйкәл ачылды. Коля шәһәребездә үсеп, шушында чыныгу, патриотик тәрбия алган егет. Бу турыда район басмасы хәбәр итә.
Үзенең ир-егетлек бурычын үтәп һәлак булган Азнакай егетенең якты истәлеге күңелләрдә саклана.
Сугышчан дусты Илшат Исламов үзенең күптән хыялында йөрткән изге гамәлен тормышка ашыруда ярдәм иткән якташларына чиксез рәхмәтләрен җиткерде. Тантанада район җитәкчеләре, әфган сугышын кичкән егетләребез, дуслары, укытучылары катнашып, Коля хакында истәлекләрен яңарттылар.