Россиядә ЮХИДИга бармыйча гына машинаны теркәү турындагы закон үз көченә керде

Бу яңалык рәсми дилерлардан машина алучыларга кагыла.

(Казан, 3 август, “Татар-информ”). Россиядә ЮХИДИга бармыйча гына машинаны теркәү турындагы закон үз көченә керде. Тиешле документ Россия Президенты Владимир Путин имзасы белән хокукый мәгълүматның рәсми порталында урнаштырылган. 

ЮХИДИ автомобильнең номерын гына билгелиячәк, ә номерлы машина тамгасын җитештерүчеләрдән аласы булачак. Бу яңалык рәсми дилерлардан машина алучыларга кагыла.