Азнакайда Георгий тасмалары тарата башладылар

​Акция кысаларында 1000нән артык тасма таратылачак.

(Азнакай, 3 май, «Татар-информ», «Маяк», Таңсылу Саниева). 1 майда Азнакайда Бөек Ватан сугышында Җиңү яулаган буынга хөрмәт хисләрен белдергән символик Георгий тасмасын тарату акциясе старт алды.

Аны, һәр елдагыча, яшьләр үзәге оештыра. Быелгы велойөрештә районыбызның «Яшь гвардия» активистлары, волонтерлар, мәктәп укучылары, оешма-предприятие хезмәткәрләре катнашты. Алар велосипедларда Җиңү паркы, Татарстан һәм Җиңү мәйданнары аша үтеп, 70кә якын азнакайлыга тасмалар бүләк иттеләр.