Казандагы бер кафе кунакларны QR-кодсыз кертүен игълан иткән

«Барыгызны да ашатырбыз, чөнки сез кодлаштырылган аппарат түгел, ә кеше», дип язылган кафеның Инстаграм хәбәрдә

(Казан, 2 декабрь, «Татар-информ»). Казандагы Madame Pavlova кафесы үзенең Инстаграм аккаунтында кунакларны QR-кодсыз кертергә җыенуы турында хәбәр итә.

«Барыгызны да ашатырбыз, чөнки сез кодлаштырылган аппарат түгел, ә кеше», дип язылган Инстаграм хәбәрдә.

Шулай ук әлеге кафеның Инстаграм аккаунтында хәбәр ителгәнчә, кафедагы һәр өстәлдә кунаклар «үз хокукларын өйрәнә» алсын өчен Россия Конституциясе куелган.