ТР Ютазы районының яңа прокуроры билгеләнгән

РФ Генераль прокуроры боерыгы белән әлеге вазыйфага Тимур Фатыйхов билгеләнгән

 (Казан, 2 декабрь, «Татар-информ»). Иртәгә Урыссу бистәсендә республика прокуроры Илдус Нәфыйков ТР Ютазы районының яңа прокурорын тәкъдим итәчәк. РФ Генераль прокуроры боерыгы белән әлеге вазыйфага Тимур Фатыйхов билгеләнгән, дип хәбәр итә ТР прокуратурасы матбугат хезмәте.
Тимур Модест улы Фатыйхов 1984 нче елның 8 нче июлендә Казанда туган. “Юриспруденция” белгечлеге буенча КДУ юридик факультетының читтән торып уку бүлеген тәмамлаган.
2006 нчы елның 5 нче июнендә прокуратура органнарына эшкә алынган. 2012 нче елның июленнән оператив-эзләү эшчәнлеге производствосын күзәтү буенча бүлек башлыгы урынбасары вазыйфасын үтәгән.
1 класслы юрист. Өйләнмәгән.