Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстанда лагерьда ковид йоктырган балаларның юллама акчасын кире кайтаралар
Башкортстан Башлыгы Радий Хәбиров атналык оператив киңәшмәдә республика Хөкүмәтенә шундый йөкләмә биргән.
(Казан, 2 август, «Татар-информ»). Башкортстанда җәйге лагерьда коронавирус инфекциясе йоктырган һәм ялын дәвам итә алмаган балаларның ата-аналарына юллама акчасын кире кайтарачаклар.
«Башинформ» агентлыгы хәбәр иткәнчә, Башкортстан Башлыгы атналык оператив киңәшмәдә республика Хөкүмәтенә шундый йөкләмә биргән.
«Моны шәхси контрольгә алыгыз һәм акчага бәйле мәсьәләне хәл итегез, — дип мөрәҗәгать итте Радий Хәбиров республика мәгариф министры Айбулат Хажинга. — Кешеләр акча түләгән, ә балалар ял итми икән, акчаны кире кайтарырга кирәк. Әгәр шулай килеп чыккан һәм коллегаларыгыз моңа юл куйган икән, акчаны оператив рәвештә ата-аналарга кайтарыгыз».
Үз чиратында, республика мәгариф министры балалар лагерьларында коронавирус инфекциясенә бәйле хәлнең тотрыклылануы турында белдерде. Аның сүзләренчә, балаларның җәйге ялын оештыруда җитди закон бозу очраклары күзәтелмәгән. Калган өченче һәм дүртенче сменалар тотрыклы рәвештә узачак.
«49 лагерьның 45ендә булдык. Тулаем алганда, берничә лагерьны санамаганда (аларда антисептиклар җитәрлек түгел иде), вазгыять бөтен җирдә дә тотрыклы», — дип хисап тотты Хажин. Ул тикшерү барышында хилафлыкларның бетерелүен әйтте.
Башкортстандагы лагерьларның берсендә балалар арасында коронавирус инфекциясе йоктыруның 49 очрагы теркәлүе турында элегрәк хәбәр ителгән иде. Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) Башкортстан Республика буенча идарәсе җитәкчесе Анна Казак Хөкүмәттә узган оператив киңәшмәдә шулай дип белдерде.
Кызыклы яңалыкларны күзәтеп бару өчен Телеграм-каналга язылыгыз