Татарстанда болытлы һава һәм салкынча булачак

Көндез температура 15-20 градус җылы тәшкил итәчәк

 (Казан, 2 июль, «Татар-информ»). Татарстан синоптиклары фаразларына караганда, иртәгә республикада аязучан болытлы һава саклана. Төнлә урыны белән һәм көндез күпчелек районнарда яңгыр көтелә. Кайбер районнарда яшен дә булырга мөмкин.
Шулай ук төнлә һәм көндез ТР территориясендә урыны белән төньяк-көнчыгыштан 16 м/с тизлектә җил булачак, Казанда – 15 м/с, көндез яшен вакытында җилнең тизлеге 17-22 м/с ка кадәр артырга мөмкин. Төнлә Татартсан буенча температура 10-15 градус җылы, көндез – 15-20.
Казанда шулай ук яшенлы яңгыр көтелә. Төнлә температура 13-15 градус тәшкил итә, көндез – 15-18.
4 июль төнендә республикада болытлы һава, урын белән кыска вакытлы яңгыр булачак. Температура 7 градус кына җылы булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.