Путин Федераль куркынычсызлык хезмәтенең Татарстан буенча идарәсе башлыгын билгеләде

Әлеге вазифаны генерал-лейтенант Игорь Хвостиков башкарачак.

(Казан, 2 апрель, «Татар-информ», Полина Шевчук). Россия Президенты указы нигезендә генерал-лейтенант Игорь Хвостиков Россия Федераль куркынычсызлык хезмәтенең Татарстан Республикасы буенча идарәсе башлыгы итеп билгеләнде. Бу хакта «Татар-информ» агентлыгына Россия Федераль куркынычсызлык хезмәтенең Татарстан буенча идарәсе матбугат хезмәтеннән хәбәр иттеләр.

Игорь Хвостиковка — 53 яшь. Ул 30 елдан артык органнарда эшли. Моңа кадәр Россия Федераль куркынычсызлык хезмәтенең Чечен Республикасы буенча идарәсен җитәкләгән.