Яңа ел төнендә Казанның бала тудыру йортларында 15 сабый туган

Яңа ел төнендә Казанда 10 малай һәм 5 кыз туган.

(Казан, 2 гыйнвар, "Татар-информ", Эмма Сыйтдикова). 2017 елда Казанда туган беренче сабый - малай булган. Бу хакта Татарстан Республикасы Сәламәтлек саклау министрлыгы матбугат хезмәте хәбәр итә.

2017 елда беренче бала шәһәрнең 16 нчы санлы клиник хастаханәсенең бала тудыру йортында төнге сәгать беренче яртыда туган. 

Яңа ел төнендә Казанның бала тудыру йортларында барлыгы 15 сабый - 10 малай һәм 5 кыз туган.