«Татарстан» журналы йөз еллык юбилеен билгеләп үтә

Басманың беренче саны 1920 елның 1 декабрендә дөнья күрә.

(Казан, 1 декабрь, «Татар-информ», Денис Низаметдинов). «Татарстан» журналына йөз ел тулды. Беренче саны 1920 елның беренче декабрендә чыга. Бу хакта басма сайтында хәбәр ителә.

«Журнал йөз ел Татарстан халкы белән янәшә яшәде, һәр санда чыккан геройлар белән йөзгә йөз очрашты», — дип тасвирлый редакция үз тарихын.

Шул вакыт эчендә журнал тугыз исем алыштыра. Ул «РКП (б) Татар Өлкә Комитеты хәбәрләре»ннән һәм «Агитатор хәбәрләре»ннән («Вестник Татарского областного комитета РКП (б)», «Спутник агитатора») «Татарстан»га кадәр юл уза.