Әлмәт гаиләсе Бөтенроссия бәйгесендә җиңү яулады

Даишевлар унбер бала үстерә.

(Әлмәт, 1 ноябрь, "Татар-информ", "Әлмәт таңнары"). Күптән түгел Әлмәтнең барыбызга да үрнәк булган унбер балалы Даишевлар гаиләсе "Ел гаиләсе-2019" Бөтенроссия бәйгесендә җиңү яулады. Алар "Күп балалы гаилә" номинациясендә  катнашты. Бу турыда район басмасы хәбәр итә.

Җиңүчеләрне бүләкләү тантанасы октябрь аеның соңгы көннәрендә Мәскәү шәһәрендә узды. Әлмәт гаиләсе республикабызны югары дәрәҗәдә күрсәтте.

Сүз уңаеннан, Лилия Даишева әле күптән түгел генә Татарстан Республикасының "Ана даны – Материнская слава" медале белән дә бүләкләнде.