Татарстанның авыл ТКХ хезмәткәрләре үз ветераннарын Өлкәннәр көне белән тәбрикли

“Татсельжилкомхоз” ААҖ системасына 40 тан артык торак–коммуналь хуҗалык предприятиесе керә
(Казан, 1 октябрь, “Татар–информ”). Бүген “Татсельжилкомхоз” ААҖ системасына керүче торак–коммуналь хуҗалыгы предприятиеләре хезмәткәрләре үз ветераннарын Өлкәннәр көне белән тәбрикли, дип хәбәр итә предприятиенең матбугат хезмәте.
Торак–коммуналь хуҗалыгы предприятиеләрендә үз ветераннарына зур игътибар күрсәтәләр, чөнки тармакта үз эшенә зур җаваплылык белән караучы кешеләр хезмәт иткән. Аларга авыр шартларда эшләргә туры килгән. Бүген торак–коммуналь хуҗалыгы предприятиеләре аларга рәхмәт йөзеннән үз ветераннарына һәртөрле ярдәм күрсәтергә тырыша: йортларына су үткәргечләр тоташтыра, торакларын ремонтлауда ярдәм күрсәтә, бүтән эшләр башкара.
Өлкәннәр көне тармак ветераннары белән очрашу өчен тагын бер сәбәп. “Татсельжилкомхоз” ААҖ системасына керүче 40 тан артык торак–коммуналь хуҗалыгы предприятиесе бу көннәрдә хәзерге вакытта лаеклы ялда булган үз хезмәткәрләре белән очраша.
Бу атнада “Балтач торак–коммуналь хуҗалыгы күп тармаклы предприятиесе” ААҖ, “ЖилКомСервис” ААҖ (Апас), “Кама Тамагы коммуналь челтәрләре” ААҖ, “Куйбышев Затоны коммуналь челтәрләре” ААҖ, “Югары Ослан районы коммуналь челтәрләре” ААҖндә үз ветераннарына кадер–хөрмәт күрсәтәчәкләр.