Түбән Камада 1 Майны билгеләп үтәләр

(Түбән Кама, 1 май, “Татар-информ”, Сергей Толмацкий). Коеп уяган яңгырга карамастан, бүген түбәнкамалылар Яз һәм хезмәт бәйрәмен каршы алырга урамнарга чыкты. Бәйрәм хөрмәтенә 10.00 сәгатьтә шәһәрнең Халык иҗаты йортыннан демонстрация кузгалып китте. Тантаналы митинг һәм шәһәрнең иң яхшы иҗат коллективлары катнашындагы концерттан соң халык күтәренке күңел белән Мәктәп бульвары буйлап атлады.

1 Май бәйрәме кысаларындагы чаралар шәһәр аттаркционнары паркы территориясендә уза, анда исә теләсә кайсы яшьтәге түбәнкамалы үзенә кулай күңел ачу мөмкинлеге таба ала. Шулай ук спорт сөючеләр өчен зур чара – “Батыр” физкультура-сәламәтләндерү комплексында 16.00 сәгатьтә грек-рим көрәше буенча Бөтенроссия турниры старт ала.