Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Шәһәр яны поездлары саны бүгеннән 15 процентка кыскара
Татарстанда, мәсәлән, Казаннан Волжски, Свияжски, Канаш, Арча юнәлешләренә йөрүче 16 поезд хәрәкәте расписаниедән алына
(Казан, 1 март, “Татар-информ”). Шәһәр яны маршрутларына йөрүче поездлар саны бүгеннән 15 процентка кими. Бу хакта Горький тимер юлының корпоратив коммуникацияләр хезмәте хәбәр итә.
Шәһәр яны поездлары хәрәкәте графигы кыскару сәбәпле, Татарстанда, мәсәлән, Казаннан Волжски, Свияжски, Канаш, Арча юнәлешләренә йөрүче 16 поезд хәрәкәте расписаниедән алына. Моннан тыш, Казан хезмәт күрсәтү төбәге территориясендә тукталышлар саны 10 га кыскара.
Шәһәр яны поездлары хәрәкәте күләмен кыскарту халык азрак йөри торган маршрутларга кагыла, һәм моны чыгымнарны кыскарту белән бәйле мәҗбүри чара дип аңлаталар.
Агымдагы елның гыйнварыннан пассажирларны ташуны оештыру буенча барлык чыгымнарны “Содружество” ААҖ күтәрә. Агымдагы ел башыннан шәһәр яны хәрәкәтен оештыру чыгымнары 190 млн. сумнан артып киткән.
Кызыклы яңалыкларны күзәтеп бару өчен Телеграм-каналга язылыгыз