news_header_top_970_100
news_header_bot_970_100

Себер татарлары теленә багышланган түгәрәк өстәл Булат Сөйләйманов хөрмәтенә оештырыла

26-27 май көннәрендә Тубыл (Тобольск) шәһәрендә «Себер татарларында тел вазгыяте: проблемалар һәм чишелешләр» темасына түгәрәк өстәл узачак. «Яңарыш» газетасы шул турыда яза.

Түгәрәк өстәл себер татарларыннан чыккан шагыйрь һәм мәгърифәтче Булат Сөләймановның туган көненә багышлап үткәрелә.

Төмән өлкәсе себер татарларының милли-мәдәни мохтарияте чарада катнашырга теләге булганнарны түгәрәк өстәлгә чакыра. Бу очрашу Тубыл тарихи-архитектура музей-тыюлыгы, Бөтендөнья татар конгрессының Төмән өлкәсендәге вәкилләре, Төмән өлкәсе иҗтимагый оешмаларының координация советы белән берлектә оештырыла.

Түгәрәк өстәл утырышы 26 май көнне 12.00 – 17.00 сәгатьләрдә Тубыл шәһәренең «Наместник сарае»нда үтәчәк. Ул Кызыл мәйдан урамындагы 1 йортның 3 корылмасында урнашкан, диелә хәбәрдә.

news_right_column_1_240_400
news_right_column_2_240_400
news_bot_970_100