Мәдәният 1 июль 2005 10:12

Себер татарлары тарихы турында китап дөнья күрде

Скопировать ссылку

(Казан, 1 июль, «Татар-информ», Дания Моисеева). Татарстан китап нәшриятында татар халкының күренекле җәмәгать эшлеклесе, педагог һәм тарихчы Һади Атласиның «Себер тарихы» китабы рус телендә басылып чыкты.

Анда Себер ханлыгы тарихы тәфсилләп бирелгән, шулай ук Көнбатыш Себердәге төрки-татарларның үз дәүләтчелеге өчен көрәше дә яктыртыла. Татарчадан русчага китапны Азалия Бадюгина тәрҗемә иткән.

Берүк вакытта нәшриятта Каюм Насыйри «Сайланма әсәрләре»нең 3нче томы да дөнья күрде. Китапта авторның үзе җыйган халык иҗаты әсәрләре, фольклористикасы, төбәк тарихына һәм татар этнографиясенә караган гыйльми хезмәтләре тупланган. Анда шулай ук госманлы теленнән иҗади эшкәртелгән «Гөлрох» һәм «Камәрҗан әкиятләре», төрле фәннәргә караган хезмәтләреннән өзекләр һәм авторның шәхси хатлары урын алган. Басманың кереш мәкаләсе авторы һәм аерым текстларны гарәп графикасыннан гамәлдәге язуга күчерүче — Хуҗиәхмәт Мәхмүтов.

Сәхифәләр

Себер татарлары тарихы турында китап дөнья күрде