Татарстан Дәүләт Советы депутаты Актаныш гимназиясе эшчәнлеге белән танышты

Очрашуда республика мәгарифендә үрнәк буларак тәкъдим ителгән алымнар, эш тәҗрибәсе тәкъдим ителде.

(Казан, 31 октябрь, «Татар-информ»). Бүген, 31 октябрьдә Татарстан Дәүләт Советының Мәгариф, мәдәният, фән һәм милли мәсьәләләр комитеты рәисе Айрат Зарипов Актанышка эш сәфәре белән килде. Бу турыда Актаныш муниципаль районы матбугат хезмәте хәбәр итә.

Актаныш гимназиясендә ул укыту һәм тәрбия барышында тудырылган милли мохит, ирешелгән уңышлар, матди-техник база белән танышты.

Актаныш район башлыгы Энгель Фәттахов, гимназия директоры Рузилә Гарипова республика мәгарифендә үрнәк буларак тәкъдим ителгән алымнар, эш тәҗрибәсен тәкъдим итте.