Болгар ислам академиясе гарәп телендә кулъязмалар һәм китаплар җыю турында игълан итте

Китаплар һәм кулъязмалар академия китапханәсендә сакланачак һәм фәнни эшләрдә һәм белем бирүдә кулланылачак.

(Казан, 28 ноябрь, «Татар-информ»). Болгар ислам академиясе гарәп телендә кулъязмалар һәм китаплар җыю турында игълан итте. Алар уку йортының китапханә фондын тулыландырачак. Бу турыда академия матбугат хезмәте хәбәр итә.

«Һәр йортта гарәп телендә кулъязмалар һәм китаплар бар, әмма бик азлар гына аның тарихи кыйммәткә ия булуын бәяли ала. Бу документларны тапшырган өчен бүләк тапшырылачак. Аларны Болгар ислам академиясе магистрантлары өйрәнәчәк», – диелгән хәбәрдә.

Гарәп телендә кулъязмалар һәм китаплар эш көннәрендә Казан, Лобачевский урамы, 6 нчы йорт (2 бүлмә) адресы буенча кабул ителәчәк