news_header_top_970_100
16+
news_header_bot_970_100

Башкортстанда шагыйрь Равил Бикбаев исемендәге стипендияләр булдырылды

Стипендияләр Башкортстан Республикасы территориясендәге дәүләт югары белем бирү оешмалары студентлары өчен каралган.

Башкортстанда шагыйрь Равил Бикбаев исемендәге стипендияләр булдырылды
bashinform.ru

(Казан, 27 февраль, «Татар-информ»). Башкортстан Республикасы Башлыгының «Башкортстанның халык шагыйре Равил Төхвәт улы Бикбаевның истәлеген мәңгеләштерү турында»гы указы нигезендә Равил Бикбаев исемендәге ике стипендия булдырылды. Республика Башлыгы Радий Хәбиров имзалаган әлеге карар 26 февральдә хокукый мәгълүмат порталында дөнья күргән. Бу хакта «Башинформ» агентлыгы хәбәр итә.

Стипендияләр Башкортстан Республикасы территориясендәге дәүләт югары белем бирү оешмалары студентлары өчен каралган. Алар Башкортстан Республикасында туган телләр һәм әдәбиятны саклау, таныту һәм популярлаштыруга өлеш керткән өчен түләнә. Һәр стипендиянең күләме, төбәк коэффициентын исәпкә алып, 1200 сум тәшкил итә.

autoscroll_news_right_240_400_1
autoscroll_news_right_240_400_2
news_bot_970_100