Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Унберенче сыйныф укучылары өчен йомгаклау иншасының яңа расписаниесен расладылар
Чыгарылыш сыйныф укучылары БДИга керү өчен иншаны апрель аенда яза ала.
(Казан, 26 ноябрь, «Татар-информ»). Россия Мәгариф министрлыгы һәм Мәгариф һәм фән өлкәсендә күзәтчелек итү буенча федераль хезмәт унберенче сыйныф укучылары өчен йомгаклау иншасының яңа расписаниесен раслады. Бу хакта Мәгариф һәм фән өлкәсендә күзәтчелек итү буенча федераль хезмәтнең матбугат хезмәте хәбәр итә.
Йомгаклау иншасын үткәрүнең төп вакыты 2021 елның 5 апреленә билгеләнгән, өстәмә сроклар – 21 апрель һәм 5 май.
«Чыгарылыш сыйныф укучылары иншаны "незачет" алган яки төп срокта нигезле сәбәпләр аркасында яза алмаган һәм ул документаль рәвештә расланган очракта өстәмә срокта яза ала», – диделәр ведомствода.
11нче сыйныф укучылары өчен йомгаклау иншасы БДИга юллама булып хезмәт итә. Сәламәтлек мөмкинлекләре чикләнгән укучылар инша урынына изложение яза ала.
Кызыклы яңалыкларны күзәтеп бару өчен Телеграм-каналга язылыгыз