Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда федераль программа буенча ятим балаларга 300дән артык фатир сатып алынган
Республикада белем бирү сыйфатын күтәрү буенча алты дәүләт программасы гамәлгә ашырыла.
(Казан, 26 ноябрь, «Татар-информ», Надежда Гордеева). Татарстанның «Гражданнарга социаль ярдәм» федераль программасында катнашуы 2019 елда ятим балалар өчен 309 фатир сатып алырга мөмкинлек бирде. Бу хакта ТР Мәгариф һәм фән министры Илсур Һадиуллин VI чакырылыш ТР Дәүләт Советының 17 нче утырышында хәбәр итте.
Докладчы сүзләренә караганда, 18 яшькә җиткән ятимнәр һәм ата-ана каравыннан мәхрүм калган балалар торак алган. «Казан, Чаллы, Бөгелмә, Алабуга, Болгар, Кукмара, Чистай, Түбән Кама, Әгерҗе, шулай ук Алексеевск, Арча, Яшел Үзән, Лаеш, Лениногорск, Мамадыш һәм Сарман районнарында төзекләндерелгән торак биналар сатып алынды», – дип сөйләде ул.
Һадиуллин Татарстанның «белем бирүнең сыйфатын күтәрүгә ярдәм итә торган» алты дәүләт программасында катнашуын искәртте. Аерым алганда, «Һәркемгә уңайлы мохит», «Гражданнарга социаль ярдәм», «Мәгарифне үстерү» федераль программаларында һәм телләрне саклау һәм өйрәнү, мәгарифне, фәнне үстерү һәм кеше талантлары белән идарә итү буенча республика программаларын гамәлгә ашыра.
Кызыклы яңалыкларны күзәтеп бару өчен Телеграм-каналга язылыгыз