Әлмәт эрудитлары - Татарстанның Интеллектуаль язы уенында 1нче урында

Уенда республиканың югары уку йортларыннан 34 команда катнашкан.

 (Әлмәт, 25 апрель, "Татар-информ", "Әлмәт таңнары"). 22 апрель көнне республиканың иң заманча инновацион паркы базасында Татарстанның Интеллектуаль язы дигән уен узган, дип яза район газетасы.

Уенда республиканың югары уку йортларыннан 34 команда катнашкан. Командалар уку йорты зурлыгына карап төркемнәргә бүленгәннәр. Ә уен ике турнир рәвешендә узган:

Беренчесе - Что? Где? Когда? Икенчесе - Эрудит-квартет.

"Dream team" дигән исем астында чыгыш ясаган Әлмәт дәүләт нефть институты җыелма командасы лаеклы рәвештә 1 нче урынны яулаган.