Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Татарстанның ел студенты» конкурсына гаризалар саны буенча яңа рекорд куелды
2020 елда югары уку йортларында белем алучы 350дән артык студент конкурста катнашырга теләк белдергән.
(Казан, 25 гыйнвар, «Татар-информ», Арсений Кәримов). Татарстан югары уку йортларында белем алучы 350дән артык студенты «Татарстанның ел студенты-2020» конкурсына гариза биргән. Бу чараның 16 еллык тарихында иң яхшы күрсәткеч.
Быел студентлар тапшырган гаризалар саны буенча яңа рекорд куелды. Быел республиканың 25 вузыннан 354 студент катнашырга теләк белдергән. Шуларның 170тән артыгы көндезге этапны узган. Бу хакта «Татар-информ» мәгълүмат агентлыгында матбугат конференциясендә «Татарстан студентлар лигасы» президенты вазифаларын башкаручы Руфат Кыямов сөйләде.
Быел премияне 18 юнәлеш буенча тапшыралар, алар арасында укучыларның үзләре, студентлар оешмалары һәм клублары өчен дә бүләкләр бар, дип аңлатты Руфат Кыямов.
25 гыйнварда «Татарстан Республикасы ел студенты — 2020» 16 Республика премиясенең финалы була. 2011 елдан Татарстан Президенты Рөстәм Миңнеханов тарафыннан конкурсның «Гран-при» номинациясендә җиңү өчен төп приз — дөньяның теләсә кайсы югары уку йортында белем алу мөмкинлеге булдырылды.
Кызыклы яңалыкларны күзәтеп бару өчен Телеграм-каналга язылыгыз