Мәгариф министры мәктәп укучыларына Яңа ел ялларына күп итеп өй эше бирмәскә өндәде

Ольга Васильева балаларны 3 гыйнварга кадәр ял иттерергә, өй эше эшләтмәскә киңәш итте.

(Казан, 22 декабрь, «Татар-информ»). Россиянең мәгариф министры Ольга Васильева мәктәп укытучыларын Яңа ел бәйрәмнәренә укучыларга күп итеп өй эше бирмәскә чакырды. Бу хакта «Интерфакс» хәбәр итә.

Ольга Васильева балаларга өй эше әзерләргә кушмыйча, 3 гыйнварга кадәр ял бирергә киңәш итте. «Бәлки, 4 гыйнвардан бик бәйләнмичә генә нәрсәдер сорарга һәм эшли башларга, проблемалары булган темалар буенча шөгыльләнә башларга мөмкин», — диде министр.

Бала өчен ял - эшчәнлекне алмаштырып тору чарасы булырга тиеш, диде ул.