Балтачта мәгариф оешмалары рейтингы нәтиҗәләре билгеле булды

Мәктәпләр төрле категориядә аерым билгеләнгән

(Казан, 21 август, “Татар-информ”). Мәгариф оешмаларының 2013-2014 нче уку елы нәтиҗәләре буенча төзелгән рейтингы игълан ителде. Анда урта мәктәпләр арасында Нөнәгәр мәктәбе (директоры - Нигъмәтҗанов Тәлгать), төп мәктәпләр арасында Субаш мәктәбе (директоры - Галиева Раилә), башлангыч мәктәп-балалар бакчалары арасында Улисьял мәктәп-балалар бакчасы (директоры - Кузьмина Татьяна Петровна) лаек булды. Балалар бакчалары буенча Балтачның 3 нче номерлы балалар бакчасы (мөдире - Гөлфәмә Хәкимуллина) алдынгы урынга чыкты, дип хәбәр итә “Хезмәт” газетасы.