Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Азнакайның Актүбә бистәсе балалар бакчасында автомәйданчык ачылды
Әлеге мәйданчыкта бистәнең башка балалар бакчаларында тәрбияләүчеләр дә юл йөрү кагыйдәләренә өйрәнәчәк.
(Азнакай, 18 сентябрь, «Татар-информ», «Азнакай-информ», Резидә Шәрипова). Азнакайның Актүбә бистәсенең «Каенкай» 4нче балалар бакчасы юл кагыйдәләрен өйрәнү буенча ресурс мәйданчыгы булып тора.
Биредә нефтьчеләр ярдәмендә төзелгән автомәйданчык ачылды. Яна торган светофорлар, юл билгеләре балалар бакчасының барлык территориясендә урнаштырылган.
Аны ачу тантанасында район башлыгы урынбасары Роза Галеева, Актүбә бистәсе башлыгы Александр Севостьянов катнашты. Алар балаларның юл кайгыйдәләрен өйрәнеп һәм саклап, сау-сәламәт үсүләрен теләделәр.
«Мәйданчыкның проектын үзебез ясадык. Идеябызны хуплаганнары өчен район җитәкчелегенә, мәгариф идарәсенә һәм безнең балаларга шундый зур бүләк өчен нефтьчеләребезгә рәхмәт», — диде балалар бакчасы мөдире Рәмилә Камилова.
Әлеге мәйданчыкта бистәнең башка балалар бакчаларында тәрбияләүчеләр дә юл йөрү кагыйдәләренә өйрәнәчәк.
Кызыклы яңалыкларны күзәтеп бару өчен Телеграм-каналга язылыгыз