Әлмәттә прокуратура һәм янгынга каршы көрәш инспекторлары мәктәпләрдә тикшерү уздырган

Мәктәп директорларына якын арада хилафлыкларны төзәтергә кушып, аларны административ җаваплылыкка тартканнар.

(Әлмәт, 17 февраль, "Татар-информ", "Әлмәт таңнары"). Әлмәт районы Түбән Мактаманың 1 нче мәктәбен административ җаваплылыкка тартканнар, дип яза районның Әлмәт таңнары газетасы.

Прокуратура янгынга каршы көрәш инспекторлары белән берлектә мәктәпләрдә тикшерү уздырган. Баксаң, Түбән Мактаманың беренче мәктәбендә шактый җитешсезлекләр очраган. Моннан тыш тагын башка мәктәпләрдә дә андый очракларга тап булганнар. Мәктәп директорларына якын арада хилафлыкларны төзәтергә кушып, аларны административ җаваплылыкка тартканнар.