Әлкидә кадетлар белән кораллар турында тематик уку үткәрелде

Әлеге чараны “Патриот” клубы җитәкчесе Андрей Зиньков оештырды.

(Әлки, 16 октябрь, "Татар-информ", "Әлки хәбәрләре"). Әлки районы яшьармиячеләр хәрәкәте җитәкчесе Рөстәм Шәйхетдинов башлангычында “Патриот” хәрби-спорт клубы кадетлары белән кораллар турында тематик уку үткәрелде, дип яза район газетасы.

Түбән Әлки мәктәбе укучысы Зилә Әсәтова һәм Базарлы Матак урта мәктәбеннән Кристина Бухарова Калашников кул пулеметы турында кызыклы тарихи мәгълүматлар белән таныштырдылар. Рөстәм Шәйхетдинов әлеге кул пулеметын дөрес итеп сүтү һәм җыю тәртибен аңлатты.

Аннан соң кадетлар баскетбол буенча турнир үткәрделәр. Әлеге чараны “Патриот” клубы җитәкчесе Андрей Зиньков оештырды.