news_header_top_970_100
16+
news_header_bot_970_100

Рөстәм Миңнеханов укуны тәмамлаучыларны эшкә урнаштыруны оештырырга кирәк дип саный

Быел 55 меңнән артык кеше урта һөнәри һәм югары һөнәри белем бирү оешмаларын тәмамлаган.

(Алабуга, 14 август, «Татар-информ», Рифат Каюмов). Татарстан Президенты Рөстәм Миңнеханов укуны тәмамлаучыларны эшле итү мәсьәләсен аерым игътибарга алырга кирәк дип белдерде. Әлеге мәсьәлә бүген Алабугада узган мәгариф хезмәткәрләренең республика август киңәшмәсендә күтәрелде.

Президент Хөкүмәткә Мәгариф һәм фән министрлыгы, Хезмәт, мәшгульлек һәм социаль яклау министрлыгы, муниципаль мәшгульлек үзәкләре, предприятиеләр арасындагы тыгыз бәйләнешне оештыру бурычын куйды.

«Бөтен булган ресурсларны, шул исәптән коронавирустан зыян күрүчеләрне кабат укыту буенча федераль программаны, кулланырга кирәк. Авыр хәлдә калган кешеләрдә хезмәт базарында кирәкле компетенцияләрне булдыру мөһим», — дип әйтте Рөстәм Миңнеханов.

autoscroll_news_right_240_400_1
autoscroll_news_right_240_400_2
news_bot_970_100