Төркиядә татар мәгарифе көннәре уза

Татарстан Мәгариф һәм фән министрлыгы хезмәткәрләре белем бирү чараларында катнашачак.

(Казан, 7 октябрь, "Татар-информ"). Татарстан Мәгариф һәм фән министрлыгы хезмәткәрләре Истанбулда 9-10 октябрь көннәрендә Төркиядә татар мәгарифе көннәре уздыра, дип җиткерә министрлыкның матбугат хезмәте.

Татарстан Мәгариф һәм фән министрлыгы хезмәткәрләре мәгариф оешмаларында, Мәрмәрә университетында булачак, шулай ук Истанбул провинциясенең милли мәгариф идарәсе вәкилләре белән берлектә “түгәрәк өстәл” уздырачаклар, татар диаспорасы һәм Топкап төрки телле халыклары белән очрашуда, "Тартарика” атласын тәкъдим итү чарасында катнашачаклар.