Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда Covid-19 инфекциясеннән вакцинация узмаган 30 укытучы эштән азат ителгән
Республикада 11 октябрьдә яңа коронавирус инфекциясенә каршы мәҗбүри вакцинация кертелде.
(Казан, 6 декабрь, «Татар-информ», Надежда Гордеева). Татарстанда Covid-19 коронавирусыннан вакцина ясатмаган 30 укытучы эштән азат ителгән. Бу хакта ТР мәгариф һәм фән министры Илсур Һадиуллин Instagram социаль челтәрендә оештырылган туры эфир вакытында хәбәр итте.
«Мәҗбүри вакцинация турында карар бар. Ә мәктәп хезмәткәрләре балалар белән эшли. Мәгариф системасы дисциплина, тәртип, чисталык, гаделлек һәм ачыклыкны ярата. Шуңа күрә, озакка сузмыйча, үзегезгә һәм мәктәп администрациясенә проблемалар тудырмыйча, вакцинация узыгыз», — диде мәгариф һәм фән министры.
Татарстанда 11 октябрьдә яңа коронавирус инфекциясенә каршы мәҗбүри вакцинация кертелде. Кулланучы хокукларын яклау һәм кеше иминлеге өлкәсендә күзәтчелек федераль хезмәтенең Татарстан идарәсе карары нигезендә, 7 декабрьдән башлап, Covid-19 инфекциясеннән вакцинаның икенче дозасын алмаган кешеләр эштән читләштерелергә тиеш. Бу хакта элек «Татар-информ» хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз