Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Балалар студиясендәге татарча дәресләргә Казан балалар бакчалары да кушылды
Дәресләрдә барлык балалар да бушлай катнаша ала.
(Казан, 5 июнь, «Татар-информ»). «Татмедиа» АҖ нең балалар медиалабораториясе һәр җомга көнне сәгать 10.00 да рәсем дәресләре үткәрә. Әлеге татарча дәресләргә Казан балалар бакчалары да кушылды. Бу хакта оештыручылар хәбәр итә.
«Салават күпере» журналының баш рәссамы Әлфия Йосыпова төрле алымнарны кулланып рәсем ясаганын балалар күзәтеп тора, баш мөхәррир Зилә Хөснетдинова татарча сөйләп-аңлатып бара. Дәресләрдә барлык балалар да бушлай катнаша ала. Алар онлайн рәвештә zoom һәм инстаграмда @salavatkupere аккаунтында туры эфир аша бара. 3-8 яшьлек балалар өчен кызыклы булачак.
«Салават күпере»нең әлеге татарча дәресләренә кушылыр өчен, Whatsаррта https://chat.whatsapp.com/LQSGVoMo3XP7GdoLh4kZB4 сылтамасы аша группага керергә кирәк. Төркемдә дәрес саен кирәкле булган әсбаплар исемлеге тәкъдим ителә һәм сылтамалар куела.
Кызыксынучылар өчен июнь аена план тәкъдим ителә.
12.06.2020 «Күбәләк» рәсеме
Кирәк була: гади карандаш, ак кәгазь бите, балавыз карандаш (восковые мелки), акварель буяу, пумалалар.
19.06.2020 «Су асты дөньясы» рәсеме
Кирәк була: гади карандаш, ак кәгазь бите, шәм, акварель буяу.
26.06.2020 «Компот ясыйбыз»
Кирәк була: гади карандаш, ак кәгазь бите, кайчы, алма яки армут (штамп өчен), кайчы, акварель буяу, пумалалар.
3.07.2020 «Песи белән сәяхәт» (машинада утырган песи рәсеме ясыйбыз)
Кирәк була: ак яки гади кәгазь бите, гади карандаш, пастель, пумалалар.
«Балалар студиясендә „Сабантуй“ журналы да һәр пәнҗешәмбе сәгать 10да башлангыч мәктәбе укучылары өчен төрле кул эшләнмәләре ясарга өйрәтә. Кушылыгыз, җәйге каникуллар кызыклы һәм файдалы булсын», — ди оештыручылар.
Кызыклы яңалыкларны күзәтеп бару өчен Телеграм-каналга язылыгыз