Казахстан башкаласында Абай исемендәге гимназия ачылды

1997 елда Абай исеме башкала проспектына бирелгән булган.

 (Казан, 2 сентябрь, "Татар-информ"). 1 сентябрьдә Казахстан башкаласында Абай исемендәге гимназия ачылды. Бу хакта “Казинформ” хәбәрчесе хәбәр итә.

“Абай мирасы - ул безнең хәзинәбез. Бәйсезлек яулаганнан бирле Абайның бөек мирасы башкалабызда даими пропагандалана. 1нче сентябрь көнне башкалада Абай исемендәге гимназияне ачу тантанасы булды”, - диде башкала Хакиме урынбасары Бәхтияр Макен.

Хаким урынбасары 1997 елда Абай исеме башкала проспектына бирелгәнлеген искәртте.