Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Сатудагы кайбер көнкүреш техникасының махсус маркировка ясау таләбе кертелде
Бу мәҗбүрият шушы ел башыннан гамәлдә
(Казан, 18 гыйнвар, “Татар-информ”). Шушы ел башыннан энергия саклау турындагы закон белән бергә кайсыбер көнкүреш техникасына карата махсус маркировка кертелде: чит илдән кертелгән һәм үзебездә җитештерелгән андый товарларда энергетик нәтиҗәлелекнең классы турында мәгълүмат булырга тиеш. Аерым алганда, бу мәҗбүрият суыткыч, туңдыргыч (морозильник), кер һәм савыт-саба юу машиналары ише техникага, кондиционерларга, көнкүреш өчен чыгарылган электр лампаларына һ.б. приборларга кагыла.
Товарның техник документациясенә, маркировкасына, этикеткасына энергетик нәтиҗәлелек классы турындагы мәгълүматны кертү кагыйдәләре РФ Сәнәгать һәм сәүдә министрлыгының 768 нче әмере белән расланган, дип хәбәр итә “Гарант” мәгълүмат-хокук порталы. Шул рәвешле, энергетик нәтиҗәлелек классы мәгълүматы товар этикеткасында тулысынча күрсәтелә, шул ук вакытта бу хактагы белешмә-тамга тиз сөртелерлек һәм башка төр механик тәэсирдән юкка чыгарлык булырга тиеш түгел, кыскасы, товар өслегендә аның күренеп-аерылып торуы таләп ителә.
Кызыклы яңалыкларны күзәтеп бару өчен Телеграм-каналга язылыгыз