Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Саратов өлкәсендә хатын-кызлар өчен дини дәресләр үткәрелде
Саратов өлкәсе Озинки бистәсендә «Сания» мәчетендә «Мөслимә шәхесе» хатын-кызлар курсы уза. Аны җирле якшәмбе мәктәбе укытучысы Әлфия ханым Кәримова алып бара. Бу хакта Россия Мөфтиләр шурасының матбугат хезмәте хәбәр итә.
Курслар кысаларында өлкән буын вәкилләре үз диннәре турында күбрәк белү теләге белән атнага өч тапкыр очрашуларда катнаша. Ул Рамазан ае тәмамлангач башланган иде.
Әлфия ханым Кәримова үз чыгышларында Аллаһка ышану, фәрештәләр, пәйгамбәрләр, кыямәт көне, изгелек һәм явызлык турында сөйли.
«Дини белем алу – ул Аллаһка табыну, моның өчен вакыт табарга, ялкаулыкны җиңәргә, көнкүреш мәшәкатьләреннән арынырга кирәк. Вакыты кысан булуга карамастан, файдалы белем алуга игътибар бирүнең мөһимлеген аңлаучылар булуы куандыра», - диде Әлфия ханым Кәримова.
«Мөслимә шәхесе» хатын-кызлар курслары май азагына кадәр дәвам итә. Ул тәмамлангач узган материлны ныгыту өчен тематик викторина үткәрү планлаштырылган.
Кызыклы яңалыкларны күзәтеп бару өчен Телеграм-каналга язылыгыз