Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Самараның Гали авылында хатын-кызлар өчен Корбан мәҗлесе үтте
6 августта Самара өлкәсенең Гали авылының Мәдәният йортында хатын-кызлар өчен Корбан мәҗлесе үтте. Аны «Ак калфак» оешмасы уздырды. Бирегә авыл хатын-кызларын һәм Самар шәһәреннән, Камышлы, Иске Ярмәк, Мәчәләй, Яңа Мансур авылларыннан кунаклар чакырылган иде. Бу турыда «Самара татарлары» сайты хәбәр итте.
Корбанны Самарның Зубчаниновка бистәсендә урнашкан «Болгар мирасы» мәчетенең имам-хатыйбы Рәсих хәзрәт Вакказов кайтарган.
Бәйрәм белән котлап, чараны «Ак калфак» җитәкчесе Кәүсәр ханым Шәйхетдинова башлап җибәрде. Үз чыгышында ул «Ак калфакның» эшләнелгән эшләрен слайдлар формасында тәкъдим итте.
Гамбәр абыстай һәм Әлфия ханым Хәйруллина Корбан турында сөйләделәр. Соңыннан, тантаналы өлештә, «Мирас» төркеме чыгып, мөнәҗәтләр әйтте, мәктәп укучылары догалар укыдылар. Аннан бәйрәм кунаклары корбанлык итеннән әзерләнгән шулпа белән сыйландылар.
«Мәҗлестә авыл хатын-кызларына һәм килгән кунакларга шатлык бүләк иткән спонсорларга зур рәхмәтләребезне әйтәсебез килә. Аллаһы Тәгалә аларны рәхмәтеннән ташламасын, изгелекләре, игелекләре үзләренә меңе белән әйләнеп кайтсын. Дини мәҗлесләр үткәрәбез, дин сабаклары укытабыз. Иман йортларыбыз тагын да тулыланып, яктырып китсен. Туганнарыбызның, күршеләребезнең хәлләрен белеп, саваплы эшләр башкарып, бердәм булып яшик, авылдашларыбыз, милләттәшләребез», диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз