news_header_top_970_100
news_header_bot_970_100

«Рубин» белән Канунников арасында килешү өзелгән

Казан клубында футболчы 108 матч үткәрде, 21 гол кертте һәм 14 нәтиҗәле пас бирде.

«Рубин» белән Канунников арасында килешү өзелгән
Ильнар Тухбатов

(Казан, 2 март, «Татар-информ»). Казанның «Рубин» клубы ике якның да ризалыгы буенча һөҗүмче Максим Канунников белән төзелгән килешүне өзде, дип хәбәр итә команданың матбугат хезмәте.

Уенчының килешү вакыты төгәлләнергә өч ай вакыт калган иде әле.

«Безгә Максим белән хушлашуы бик авыр. Ул «Рубин»да чыгыш ясаган дәвердә үзен чын профессионал итеп күрсәтте», - диде «Рубин» футбол клубы генераль директоры Рөстәм Сәяхов.

Ул футболчыга карьерасын уңышлы дәвам итүен һәм алда торган дөнья чемпионатында Россия җыелма командасына юллама алуын теләп калды.

Максим Канунников «Рубин»га 2014 елның июнендә «Амкар»дан күчте. Казан клубында футболчы 108 матч үткәрде, 21 гол кертте һәм 14 нәтиҗәле пас бирде.
 

news_right_column_1_240_400
news_right_column_2_240_400
Медиаметрикс
news_bot_970_100