Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов хәрби комиссариатларга өстәмә көч һәм транспорт бүлеп бирүне йөкләде
Бүген ТР Министрлар Кабинетында Татарстанның чакырылыш комиссиясе утырышы булды. Аны республика Президенты, комиссия рәисе Рөстәм Миңнеханов үткәрде.
Татарстан Республикасы хәрби комиссары Сергей Погодин өлешчә мобилизация буенча комиссариат алып бара торган эшләр турында хәбәр итте. Республика Президенты муниципаль берәмлекләр башлыкларына җирле хәрби комиссариатларга халыкка хәбәр итүне оператив үткәрү өчен өстәмә көчләр бүлеп бирергә, хезмәткә чакырылганнарны үзәкләштерелгән рәвештә Казанга җибәрү өчен транспорт белән тәэмин итәргә кушты. Моннан тыш, җыю пунктларында кайнар ризык, медицина хезмәтен күрсәтү, хокук тәртибе пунктларын урнаштыру йөкләмәсе бирелде.
Шулай ук Рөстәм Миңнеханов көн саен барлык структуралар катнашында селектор киңәшмәсе үткәрергә, ә бүлекчәләр җитәкчеләренә аларда шәхсән катнашырга кушты. Вазгыять буенча оператив мәгълүмат Татарстан Республикасы Президентына көн саен хәбәр ителәчәк.
Кызыклы яңалыкларны күзәтеп бару өчен Телеграм-каналга язылыгыз